Una Ug Katapusang Ginhawa Poem by JR Cuyam

Walay ako
Ang tanan gikan Kanimo
Ang pag himugso ug tanang adlaw nako
dinhi sa kalibutan
Nagdumala ning tanan
O Dios Ikaw lamang

Ang akong una ug katapusang ginhawa
Alang Kanimo ra
Nabuhi ako tungod ug alang Nimo
O Ginoo
Wala nay lain pa'ng angayang
Simbahon ug pasidunggan
Halaran sa akong una ug katapusang ginhawa

Ang matuman
Ang kabubut-on mo
Ang higugmaon
Labaw sa tanang gitinguha ko
Ikaw lamang Ginoo
Sa tanang adlaw nako
Maghari Ka sa tibuok kong kinabuhi
Mabayaw Ka