Zindagi Poem by Rani Jain

zindagi ke safar mai kyu yu hi

koi tanha sa rah jata hai

hote hai sab magar

apne mai hi kyu samaa sa jata hai

kyu bhid mai bhi khud ko samete rahkar

sabhi se juda rah jata hai

na jane kya ahsas hai yah

sabhi mai rahkar bhi

sab se juda rah jata hai

ban jata hai tanha ka sathi

bas usi ka hokar rah jata hai

kah na pata jo baat kisi se

tanhai mai khudi se kah jata hai

tanhai har pal ek saathi sa

judaw de jata hai

isse ab kya kahe

bas tanhaiyo ki galiyo mai

jo andheri hai

par us ujale ki tarah

jo diye ki tale hai

jo khud jal kar auro ko ujala de jata hai

mai bhi tanhai ke diye mai

jakar apne mann ko usi

ujale mai le jata hu

jaha na koi mughse juda ho

bus mai hi hu

or mera saathi tanhai

tanhai jo mughe sukun de

de mughe mughse milne ka mauka

jo bhid mai kahi kho sa gaya hai