Raahon pe aaya tha jab bhi koi mod,
Humne pichhe mudke dekha tha,
Sare apne Hume Gaye the chhod,
Par muskurata ek chehra humne har baar dekha tha!

Har kadam pe Khamoshi gunjati thi,
Har ek nazara badal Gaya tha,
Tanhaiyaan Hume ghere hue thi,
Par muskurata ek chehra humne har baar dekha tha!

Manzil pe aa gaye jab,
Mudke humne aakhir baar dekha tha,
Pyaar ko humne tab samjha,
Kyunki muskurata woh chehra hi hamara pyaar tha!

Us muskurate chehre ke hausle se,
Hum Apni Manzil tai kar paye,
Who chehra Hamesha saath raha,
Jabki kayi baar saath chhod gaya hamara saya! ! !