پیدا ابھی مذاق گلستاں نہ کرسکے Poem by Akhtar Muslimi

پیدا ابھی مذاق گلستاں نہ کرسکے
تبدیلِ ذوق خوگرِ زنداں نہ کرسکے
کیوں کر کہیں بہار ہم ایسی بہار کو
شیرازئہ خزاں جو پریشاں نہ کرسکے
مجھ کو اسے بہار ہی کہنے میں عذر ہے
ہر نوکِ خار کو جو گلستاں نہ کرسکے
کیا بات اے بہارِ چمن ہے کہ آج تک
ہم محوِ یادِ راحتِ زنداں نہ کرسکے
ہونے کو جلوہ ریز ہوئے لاکھ آفتاب
شامِ خزاں کو صبحِ بہاراں نہ کرسکے
کیا ہوسکے گا اس سے علاجِ غمِ جہاں
جو آپ اپنے درد کا درماں نہ کرسکے
اخترؔ اس انقلاب کی اُڑ جائیں دھجّیاں
دشوارئِ عوام جو آساں نہ کرسکے

Paida abhi mazaq gulistaa na kar sake
Tabdeel-e-zauq khugar-e-zindaa na kar sake
Kyon kar kahein bahaar hum aisi bahar ko
Sheeraza-e-khizaan jo pareshaan na kar sake
Mujh ko use bahar hi kahna mein uzr hai
Har nok-e-khar ko jo gulistaa na karsake
Kya baat ai bahar-e-chaman hai ki aaj tak
Ham mah-we-yaade-raahate zindaa na karsake
Hone ko jalwa rez hue laakh aaftab
Sham-e-khizan ko subh-e-baharan na karsake
Kya hosakega isse ilaaj-e-game jahaan
Jo aap apne dard ka darma na karsake
Akhtar us inquilab ki ud jaayen dhajjiyan
Dushwari-e-awam jo aasan na kar sake