تخلیقِ دو عالم ہے بفیضانِ محمدؐ Poem by Akhtar Muslimi

تخلیقِ دو عالم ہے بفیضانِ محمدؐ
دنیا کی ہر اک شے پہ ہے احسانِ محمدؐ
یہ رتبۂ عالی ہے یہ ہے شانِ محمدؐ
خود خالقِ عالم ہے ثنا خوانِ محمدؐ
بخشا ہے لقب آپ کو رحمت کا خدا نے
ہر اک کے لیے عام ہے فیضانِ محمدؐ
توحید کی دولت سے بھرا دامنِ انساں
کیا کم ہے زمانے پہ یہ احسانِ محمدؐ
پہچان لے اللہ کو ممکن ہی نہیں ہے
حاصل نہ ہوا ہو جسے عرفانِ محمدؐ
کیوں لرزہ براندام نہ ہو سطوتِ شاہی
شاہوں سے بھی بڑھ کر ہیں غلامانِ محمدؐ
آ دیکھوں ترا زور بھی اے مہرِ قیامت
ہے سر پہ مرے سایۂ دامانِ محمدؐ
اخترؔ مجھے دیکھیں گے تو بول اٹھیں گے قدسی
آیا وہ سرِ حشر ثنا خوانِ محمدؐ

Takhleeq-e-do Alam Hai Bafaizaan-e- Mohammed
Duniya ki har ek Shai pe hai ehsaan-e-Mohammed
Yeh Rutba-e- Ali hai yeh hai Shaan-e-Mohammed
Khud Khalique-e-Alam hai Sana Khaan-e-Mohammed
Bakhsha hai laqab aapko Rahmat ka Khuda ne
Har ek ke liye aam hai Faizaan-e-Mohammed
Tauheed ki daulat se bhara daaman-e-Insaan
Kya kam hai Zamane pe yeh Ehsaan-e-Mohammed
Pahchaan le Allah ko mumkin hi nahi hai
Haasil na hua ho jise Irfaan-e-Mohammed
Kyon larza bar andaam na ho satwate shaahi
Shaahon se bhi badhkar hain Gulaamaan-e-Mohammed
Aa dekhun tera zor bhi ai mahr-e-qiyamat
Hai sar pe mere saaya-e-daaman-e-Mohammed
Akhtar mujhe dekhenge to bol utthenge Qudsi
Aya woh sare hashr sanakhaan-e-Mohammed