کٹی پتنگ Poem by Akhtar Jawad

میں اپنے رقص میں محو تھا گزر گیا وہ دور
کسی کی انگلیؤں میں تھی تھمی ہوئ یہ میری ڈور
نہ جانے میرے ساتھ کھیلا کسنے یہ حسین کھیل
کہ میرے سینے مجی امنگوں کی یہ ریل پیل
کوئ لپیٹ لے گا جلد تنی ہوئ یہ میری ڈور
وہ کھینچ لے گا آسماں پہ مجھکو اپنی اور
میں بادلوں کا حسن اور شباب دیکھتا رھا
میں بارشوں میں بھیگاایک گلاب دیکھتا رھا
ٹپکتی نیلے آسماں سے بس شراب دیکھتا رھا
دھنک میں ایک جھپا ہوا عناب ڈھونڈھتا رھا
میں بے خبر تھااور بس سراب ڈھونڈھتا رھا
اچانک اس نے توڑ دی تنی ہوئ یہ میری ڈور
یہ ڈوراتنی ناتواں نہ زر نہ زن زمیں نہ زور
میں پھول تھا بکھر گیا نہ بو رہی نہ میرا رنگ
جو بے بسی کو دیکھنا ہو دیکھوایک کٹی پتنگ