ಬೆಂಕಿಯ ನಡುವಲಿ ಬಿದ್ದು, ಕರಗುವ ವರೆಗೆ,
ಕರಗಿ, ಕೆಳಹರಿದು, ತಳದಲ್ಲಿ ಕೂಡುವವರೆಗೆ,
ಕಲ್ಮಶಗಳ ಹೊರಕೊಟ್ಟು, ತಾನಾಗಿ ಥಳಥಳ ಹೊಳೆಯುವವರೆಗೆ,
ಯಾವುದು ಚಿನ್ನ?
ಚಿನಿವಾರನ ಏಟು ತಿನ್ನುವವರೆಗೆ,
ಏಟಲಿ, ತೆಳ್ಳನೆ ಬೆಳೆಯುವವರೆಗೆ,
ಹರಿಯದೆ, ನುಲಿಯದೆ, ನಿಲ್ಲುವವರೆಗೆ,
ಯಾವುದು ಚಿನ್ನ?
ಎಳೆಎಳೆದಂತೆ, ಉದ್ದ, ಬೆಳೆಯುವವರೆಗೆ,
ಆದರಿಂದಿದರಿಂದ ಜೀರ್ಣವಾಗದ ವರೆಗೆ,
ಬೆರೆತರೂ, ತಾನಾಗಿ ಭಿನ್ನ ನಿಲ್ಲುವ ವರೆಗೆ,
ಯಾವುದು ಚಿನ್ನ?
ಬೇಕೆಂದಲ್ಲಿ ಚೆಲುವು ಚೆಲ್ಲುವವರೆಗೆ,
ಬಿಗಿಯಲ್ಲಿ ತನ್ನತನಗುಣ ಹಿಡಿದಿರುವವರೆಗೆ,
ವಿಶಿಷ್ಠತೆಯಿಂದ, ಗಮನ ಸೆಳೆಯುವವರೆಗೆ,
ಯಾವುದು ಚಿನ್ನ?
This poem has not been translated into any other language yet.
I would like to translate this poem