ದೂರ ಲೋಕದ ದಿವ್ಯ ಬೆಳಕಿನ
ಪುಂಜ ನಮ್ಮೆಡೆ ಚೆಲ್ಲಿದೆ,
ಕಣ್ಣ ಕಚ್ಚುವ ಕಪ್ಪು ಕತ್ತಲೆ
ಮೆಲ್ಲ ಮೆಲ್ಲನೆ ಕರಗಿದೆ,
ಧೈರ್ಯ ಕುಂದಿದ ಹೃದಯ ಹಂದರ
ಜೀವ ತುಂದಿಲವಾಗಿದೆ,
ಗಾಳಿ ಬೆನ್ನನ್ನೇರಿ ಹಾರುವ
ಹರ್ಷ ಮೈಮನವೇರಿದೆ,
ಎಲ್ಲಿ ನೋಡೆದರಲ್ಲಿ ಬೆಳಕು,
ಕಣ್ಣ ಮುಚ್ಚಿದರಲ್ಲಿ ತಳಕು,
ಕನಸು ಜೀವನವಾಗಿದೆ.
ಯಾವ ಗೂಢ ವಿಶ್ವಕಾರಣ
ದಿವ್ಯ ಬೆಳಕಿಗೆ ಪ್ರೇರಣ?
ಯಾವ ಮೂಲದ ಮುಕ್ತ ಪ್ರಾಣ
ತಂದಿತೆಮಗೀ ತಜ್ಜತ್ರಾಣ?
ಯಾವ ದೂರದ ಲೋಕದಿಂದ,
ಯಾವ ಕಾಲಾಕಾಶದಿಂದ
ಹರ್ಷ ಹೊಳೆ ಹೊನಲಾಗಿದೆ,
ಬೆಳಕು ಮಳೆಯ ಸುರಿಸಿದೆ?
This poem has not been translated into any other language yet.
I would like to translate this poem