Praveen Kumar in Bhavana


ನೀನು ನೀನಾದಾಗ - Poem by Praveen Kumar in Bhavana

ನೀನು ನೀನಾಗಿದ್ದರೆ ಲೋಕವೇ ನಿನಗುಂಟು,
ನಿನ್ನೊಳಗು ಬರಿದಾದರೆ ಎಲ್ಲವೂ ಬರಡು;
ನೀನೇ ನಿನ್ನಳವು, ನೀನೇ ನಿನ್ನಳಿವು,
ಉಳಿದುದೆಲ್ಲ ನಿನಗೆ ಉಡುಪು ಆಡಂಬರ.

ನಿನ್ನೊಳಗು ಹೊರಗು ಕೂಡಿ ನಡೆಯಬೇಕು,
ಅದುವೇ ನಿನ್ನ ಕಸುವು, ಗೌರವ, ತೇಜಸ್ಸು;
ಉತ್ತರ ದಕ್ಷಿಣವಾಗಿ ಒಡಕು ಮಧ್ಯೆ ನಿಂತರೆ
ನೀನು ನೀನಲ್ಲ, ನಿನಗೆ ಬೆಲೆ ಕಿಂಚಿತ್ತೂ ಇಲ್ಲ.

ದಾರಿ ನಡೆವಾಗ ಬರುವ ಕವಲು ಸಾವಿರಾರು,
ಒಂದೊಂದೂ ಹಲವು ತಿರುವುಗಳ ಬೆರಕೆ;
ಯಾವುದು ಎಲ್ಲಿ ತೀರುವುದೆಂದರಿತವರಿಲ್ಲ,
ಲಾಭ ನಷ್ಟದ ಲೆಕ್ಕ ಇಲ್ಲಿ ಖಂಡಿತ ಸಲ್ಲ.

ಎದೆ ಬಡಿತದ ತುಡಿತ ಏನೆಂದು ಅರಿತು
ನಡೆವ ದಾರಿಯ ದಿಕ್ಕು ಹಿಡಿಯುವುದು ಲೇಸು;
ಅದುವೇ ನಿನ್ನ ಇಂಧನ, ತೃಪ್ತಿಯ ನಿಜ ಸ್ಪಂದನ,
ಮೇಲೆತ್ತಿ ಮುನ್ನಡೆಸುವ ನಿನ್ನಾಪ್ತ ಪರಿಪಾಲಕ.

ಕಣ್ಣು ಕುರುಡಾದಾಗ ಮುಂದೆ ತಳ್ಳುವವರು ಹಲವು,
ಸ್ವ ಅರ್ಥ ವಿನೋದಗಳ ಕಾರಣ ಏನೇ ಇರಲಿ;
ನಿನ್ನ ದಿಕ್ಕು ದಾರಿ, ಅಂತರಂಗದ ಲಕ್ಷ್ಯ ನಿರ್ಧಾರ
ಹಿಡಿದು ನಡೆದರೆ ಮಾತ್ರ ನಿನ್ನ ನಡಿಗೆ ಸುಭದ್ರ.

ಸರಿತಪ್ಪು ಸತ್ಯಸತ್ಯಗಳು ಇಲ್ಲಿ ಮುಖ್ಯವಲ್ಲ,
ಲಾಭನಷ್ಟದ ಲೆಕ್ಕಕ್ಕೆ ಇಲ್ಲಿ ಬೆಲೆಯೆ ಇಲ್ಲ;
ಒಳಗೆ ಹೊರಗೆ ಹೊಂದಾಣಿಕೆ, ದೃಢತೆ, ನಡಿಗೆ
ಹಿಡಿದು ನಡೆವುದೆ ತೃಪ್ತಿ, ಶಕ್ತಿ, ನಿನ್ನ ಸಾರ್ಥಕ್ಯ.

ಎಡಬಲ ನೋಡದೆ ನಡೆಯಬೇಕು ಮುಂದೆ,
ಎಡವಿದರೆ ಎಡವಿ, ಬಿದ್ದರೆ ಎದ್ದು ನಡೆಯಬೇಕು;
ನಿನ್ನೊಳಗಿರುವುದು ಬೇರು, ನೀನದರ ಬೆಳೆದ ರೂಪ,
ಬೇರಿಗನುಗುಣ ಹೂವುಫಲ ಬಿಟ್ಟರೆನೆ ಚಂದ.

ನಿನ್ನತನ ಬಿಟ್ಟಾಗ ನೀನು ನೀನಾಗುವುದಿಲ್ಲ,
ಲಾಭನಷ್ಟದ ತಖ್ತೆ ಇಲ್ಲಿ ಸಮಂಜಸವೆ ಅಲ್ಲ;
ನೀನು ನೀನಾಗದೆ ಕುಬೇರನಾದರೇನು ಫಲ?
ಅಂತಹ ಕುಬೇರರಿಗೇನು ಇಲ್ಲಿ ಕೊರತೆಯಿಲ್ಲ.

ನೀನು ನೀನಾದಾಗ ಬರುವ ತೃಪ್ತಿಯೇ ಬೇರೆ,
ಆ ಹರ್ಷ ಉಲ್ಲಾಸಕ್ಕೆ ಬೇರೆ ಸಾಠಿಯೇ ಇಲ್ಲ;
ಅದೇ ಪರಿಪೂರ್ಣತೆ, ಜೀವನದ ಸಾರ್ಥಕ್ಯತೆ,
ನೀನಾಗಿ ನೀನು ನಡೆಯುವುದೆ ಬದುಕಿನ ಗುಟ್ಟು.

ನೀನು ನೀನಾಗಿದ್ದರೆ ಲೋಕವೇ ನಿನಗುಂಟು,
ನಿನ್ನೊಳಗು ಬರಿದಾದರೆ ಎಲ್ಲವೂ ಬರಡು;
ನೀನೇ ನಿನ್ನಳವು, ನೀನೇ ನಿನ್ನಳಿವು,
ಉಳಿದುದೆಲ್ಲ ನಿನಗೆ ಉಡುಪು ಆಡಂಬರ.

Topic(s) of this poem: life, self


Comments about ನೀನು ನೀನಾದಾಗ by Praveen Kumar in Bhavana

There is no comment submitted by members..

Maya Angelou

Phenomenal Woman



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, July 3, 2017



[Report Error]