मोनसे जांख्रिखांनाय Poem by Lazathao Basumatary

मोजां मोननाय
फसायनाय
अननाय
बुजायनाय
लाजिनाय
बुरखायनाय
मिनिनाय
गाबनाय
फोथायनाय
हांमा आरो दाहा
गोजौनि मख'नायफोराव गुन दङब्ला
बुहुमआ गोथैसालिनिसो बाख्रि
रंजानाय-बाजानायाबो खैफोदनिसो खौरां
नोंनि खैफोदा गुबुननि गोसोआव गोजोननाय लाबोयो
अननायनि मुहिनियाव गोजावबाथाय
नोंनि आखुवा मेलेमगैयैनि बादि
अननायनि उन उन
सिलौ एम्फौ थाङो
गोरोन्थिनि गेजेरजों माब्लाबा
नों सोरनिबा बिबायारि दाजा
सोरनिबा आन्दोआव गावनि सिमांखौ दासुजु
खैफोदनि फिथाय मोनजागोन
मेलेमाव सौग्रावगोन
सुखुमोनै जेंना

मोनसे जांख्रिखांनाय
नों दानिफ्रायनो गावखौ सान
गुबुनखौ लामा दानाय
नोंनि फिसा-फिसौ आरो न'खरखौ
फोरों
गावनि मेलेमजों थांना थानो