फोरमाइथि Poem by Lazathao Basumatary

आंहा जोबोर गोनो - गोथो दं
मानि आं जेब्ला सानो मोनसे माबा खोथा
अब्ला बेनि आन्दो खौसेथिआबा माबायदि
बेफोरखौ सानबायनानै

माखासे सुबुंफोरा जेखौ सानो बेखौनो मावो
नों सोर मिथिखानानैबो मिथियै बायदि
नोंखौ हेव खालामगोन
बेफोरखौ अरजाला दे
माब्लाबाफोर बुजिगोन साननानै
सम सम गावखौनो फेजेननाबो माब्लाबा बिसोरखौ देरहाहोयो
नाथाय बेनो बे आरो बेनो बे

मानसि हिसाबै बयहाबो आलादा आलादा साननाय थायो
आंबो बेखौ मानियो बुजियो
बेखायनो आंहा गुबुननि सानस्रिफोराव एसेबां सोमोन्दो खालामनो सानफाया
नाथाय फोरमायना लाबोला आं जाबादाजा खोथा फोरमाययो
नाथाय गासैबो खोथाखौ फोरमायजोबनाबो जाया
माखासे हरखाब बुजिनांगौखौबो एसे दोननांगौ जायो
थेवबो बेसिम थांजोबनांगौखौ खायसेया सानलांनो हाजोबा
बेयावनो गले गले गोरोन्थिफोरा जालाङो
अब्लामालाय आं माथो खालामगोन

आं आनान गसाइब्ला सुबुंफोरा जेखौ लुगैदों बेफोरखौ सुफुंना होसिगौमोन
अब्लाना बयबो राजा जाजोबना आरोबाव खनसे दावहा जालांगौमोन आरो जोबस्रांलांगौमोन

जायनि हास्थायनाया गावनि थाखायल' जायो
बियो मालाब्लाबो गुबुननि गोजोनखौ हास्थाया
बियो गावनि साननायबायदिल' मावो
आरो बेनो संसार बायदि बियो सानना लायो

नाथाय बेफोरखौ गोबां सुबुङा गोरोन्थि बायदि मोना
गावनि साननायखौनो मावनायाव माबा गोरोन्थि जायोब्लाबो बियो गोरोन्थि मानिनाबो लाया
बिदिजोंनो सासेया गुबुन सासेनि गोसोआव दुखु होयो

गोबां समाव सुबुंफोरा दिनै फोथायलायनायाबो जोबलांबाय
बेनिखायनो CC TV, COURT AGREEMENT बायदिफोरा जौगाबोबाय
जायफोरा फोथायलायनायनि गाज्रिसिन मुवा

दिनै जोंनि सान्रिफोरखौ गोजों खालामनो GROUP DISCUSSION फोरा गोनांथार जाबाय
नाथाय बेयो मा बेखौनो मिथियैयाव बेबो दासिमबो सोरनिबा सानस्रियाव बेसेन गैया

बेफोरखौनो सानबायनानै आंहा गोनो गोथो
जायखौ साफ्रोमबो बैफोर फोरमायथिफोरखौ बुजियैयाव आंहाबो गले गले बोलिल' जाफानाङो