Amar Prem Poem by abhipsa panda

Fir se khinchi ayi tere paas,
kyun ki mera kanha prem amar hai.
Chaliya bhale hi par premi hai tu khaas,
Kanha dhaam hi mera saasra aur peehar hai.

Aise na dekh tu Kanha,
lajja aaj bhi mujhe aati hai.
Din me tere hi sapne dekhna,
mujhe aaj bhi khushi dilaati hai.

Aisa hai moh tere sang,
jeevan ka saar tera bhajan.
Kanha hi basaa mere ang ang,
bas tujhe hi dhunde ye bheege nayan.

Aaj bhi sankat ya peeda me,
zubaan pe shyaam naam aati hai.
Jeevan ke pratidin krida me,
ye saansen tera ehsasas dilaati hai.

Mera aangan aaj suna hai,
jo teri ghungru se hi dehlega.
Mere tan pe jo gehna hai,
wo teri chuan se hi chamkega.

Tu jo pakdaaya dori bandhan ka,
ab tu hi isse paar lagaega.
Mai to amanat hun apne mohan ka,
samaaj ko ye satya tu hi batlaaega.