Kayo ang dahilan
Ng aming pagsilang
Pagod at hirap inyong inilaan
Para kami ay malinawanagan
Gabi ay inyong ginawang araw
Kayo ay walang kapaguran
Sa matinding ulan, sa mainit na araw,
Kayo ay walang humpay na lumaban
Aming kabataan inyong pinagyaman
Pinuno aming buhay ng halos halakhakan
Inalalayan sa unang pakhakbang
Pati sa lamok di pinadapuan
Mahal naming Ama't Ina
Kayo ay nais naming pasalamatan
Sa lahat ng pagmamahalan
Sa amin ay inilaan
Kami ay pinalaki ninyo
Ng di humahapo
Sa buhay ng delubyo
Ay hindi sumasamo
Kung hindi dahil sa inyo
Kami siguro ay nagapo
Ng mga suliranin na di mahinto
Kayo ay aming pakamamahalin ng walang hinto.
Sa inyong pagtanda
Kami naman ang mag-aalaga
Aarugain kayo ng buong kaluluwa
Magtataguyod sa inyo ng walang sawa
Ang iyong paghihirap ay walang kabayaran
Hanggang sa wakas kayo ay aming iingatan
Pagmamahal namin sa inyo ay ipararamdam
Hanggang takipsilim ay magpaalam.
CopyrightGrace Svensson
January 26,2018
This poem has not been translated into any other language yet.
I would like to translate this poem