Ningtouwe apeile aniuguai,
Alaudou laukum tatkhou,
Apei nchung khou tat lana ‘niuguai
Khang kungkanmei lat ncham lou.
Nugaimei kage naimei pari
Rui lakmei ti amulou,
Lungning nukuan nking pian pari ri,
Apei rui rathau pukhou.
Nzaengna ndwanglou, nzianna katiulou,
Aniu chaengluan kathui khou.
Kadanna, nzihna, aniuta zao,
Ngammakna tat bam tucho!
"Nzaengna mhit mhit do" tuna sana,
Apei banthaina lingna
Katan kadwan suna, tan bam e.
Apei kumna ling ni e.
Aniu lung gang nimei panti ta,
Lumgai meirui ngam suna,
Tingsi, neilum bam pusinina,
Khaeng zu zuh bam, neilana.
Tingzin nei nchiang kei khou, kai han the.
Kaibang tan apei tan bam,
Zingbam sini tan tan nthaek makge,
Maidwan riu khou tan nabam.
Adiziancho apei aniuta,
Tao ni rei khou kum zian e.
Katou aniu guai rui apeita,
Nzian na ning tou tan tan e.
This poem has not been translated into any other language yet.
I would like to translate this poem