Awu Phindze Simakadze! Poem by Lindelwa Msibi

Awu Phindze Simakadze!

Kuyawute kube ngunini?
Utsi kuyawukwendlula lokuhlupheka
utsi kuyawukwendlula lokuba lite
utsi ngiyawuyekela kukhala
utsi ngiyake ngikuve kukhululeka
awu phindze simakadze
lomhlaba uyahlaba!

Besuke bachaza kutsini nabatsi'uyahleka'
ngitjeleni, nimangaliswa yini?
Yini kujabula?
Hha nabo bangibukela kungatim
kusho kutsini kuphila kahle
hha! nabo bamangala!

Kuyawute kube ngunini yesomandla?
Uyangibukelela, eludzakeni ngiyabisha.
Kuyawute kubuye emadada eThekwini yini?
Anginalutfo, anginani, ngisindzindzi nje.
Ngiyakuhlonipha, ngigcine yonkhe
imitsetfo yakho, angisabi nekutibita
ngekutsi ngilikholwa
kepha angiboni kutsi uyakhumbula kutsi
wake wayidala intf lefana nami.

Yesomandla sengifuna kufana nebantfu nami,
yeSimakadze ngifuna kufa nami ngishiye ligama
sale ubuka ngakimi, ungangifulatseli
Awu phindze ngwenyama yemazulu
awuphindze simakadze!

COMMENTS OF THE POEM
READ THIS POEM IN OTHER LANGUAGES
Close
Error Success