Tunggal sumingising diay init iti daya
Maipalagip latta kaniak ti ayat a simmina
Napalaos ti panagladingit daytoy rikna
Biag ko sadinno kadin ti ayan mo ita
Addu a saludsod tumpuar ditoy panunot
Kaungan toy pusok, o anian nga ut-ot
Rumsua dagiti saeddek ken rurod
Apay ngamin ta adda kararua a gamrud
Nagsam-it idi ti panagbinnulig ta
Ngem immay ni sulisog ket pilit nga inyadayunaka
Namati ka kadagiti ubbaw a karkari na
Simmurot ka lattan nga di nagpakpakada
Narungsot nga parsua saem ti inna insangbay
Ti kinadangkes na arapaap ta kella-at a nakeltay
Kayrarigan nat sabong nga dagdagus a nalpay
Kinaragsak a nasupapakan panagsagaba ken liday
Ayat a simmina, lagip nat dinto agressat
Adda ngata pay agur uray a nasin-aw nga gasat
A kas ti isasangbay ti agsapa a napnuan sayaat
Sumumblin to kadipay ditoy denna, simmina nga ayat?
This poem has not been translated into any other language yet.
I would like to translate this poem