બળતરો સ્વભાવ... Baltaro Poem by Mehta Hasmukh Amathaal

બળતરો સ્વભાવ
શુક્રવાર,1 ફેબ્રુઆરી 2019

વિચારી લે મનવા
સુખ કાજે તારે ભજવા
ના મન થી કોઈ ને પજવવા
ખાલી મન ને સંતોષવા।

જીજીવિષા મન માં છે ઘણી
પણ થાય કદી ના પુરી
જેમ જેમ મળે તેમ તેમ વધતી જાવે
મન કદી સંતોષ ના પાવે।

મન માં અહં ભર્યો છે ઘણો
સ્વભાવ પણ છે બળતરો
બીજા નું સુખ જીરવાય નહિ
અને પોતાનું દુઃખ સહન થાય નહિ।

જીવનપંથ છે અઘરો ઘણો
તેને સમજવો પણ મુશ્કેલ ખરો
સંયમ અને સહનશીલતા જ કામ આવે
કદી બુરી નજર કરી ના ફાવે।

જે પણ સમજી ગયો સાનમાં
તેનું જીવન વ્યતીત થાય માન માં
પ્રભુ ના ચરણો માં જે માથું મૂકે
તેને દુઃખ કદી ના સતાવે।

હસમુખ અમથાલાલ મહેતા