ભુજા તમે ફેલાવો bhuja tame felaavo Poem by Mehta Hasmukh Amathaal

ભુજા તમે ફેલાવો
અને પાસે મને બેસાડો
મીઠા મીઠા પ્રીતડી નાં
બે બોલ મને સંભળાવો। ભુજા તમે ફેલાવો

આંખો ને બોલી રાખો
પાપણ ના ફરકાવે
યાદ આવે કદી શમણાં માં
'હા ' કહીં નાં શરમાવે। ભુજા તમે ફેલાવો

જુવાની નાં જોરે જોરે
આમ છકીના જાવો
આવ્યો છે મોકો જ્યારે
તો તેને નાં ઠુકરાવો। ભુજા તમે ફેલાવો

રાતો માં વિચારું
ને દિન માં હું નીહાળુ
મન ની હું બાળા ગભરું
કેમ કરી ને બતાવું। ભુજા તમે ફેલાવો

વસંત ખીલી બહારે
લીલી ઝાઝમ છે બીછાણી
ફૂલો એ ફેલાવી પાંખડી
સુગંધ છે પ્રસરાણી। ભુજા તમે ફેલાવો

ખીલી લગનસરાની મોસમ
શરણાઈ છે વાગી
આવે સાજંનડો ઘોડે ચડી
હું થાઉં સફાળી જાગી। ભુજા તમે ફેલાવો

મનમાં ને મનમા હરખાઉં
પ્રીતમ થી મેળા થાશે
જાન જાનૈયા વાજે ગાજે
ડોળી માં લઇ જાશે।

વિદાયની વેળા વસમી
પિયર છૂટી જાશે
સાસરીયે પગ મુકતા સાથે
મહિયર ને ભૂલી જાશે। ભુજા તમે ફેલાવો