Bu (The Moon)- A Poem In Rongmei Poem by Solomon Senxer

Zing nkam ram ram kei the,
Khouring khouna guai kai gut ngam the.
Puan alu liauh liauh bam,
Ting-zing thu khatni bukdiauh rah bam,

Tazik chik chik, nring rui rui khou,
Mansei khuan, meisausini chumak khou,
Buthan gaimei neipat biak thang,
Tingpuk khou pat bam, kahouthe zingbang.

Zingkanmei ta Kariu ruitiganlou
Chunsi, zaengsi mei lungning ti amulou
Rianra, lakmei tani ti amanlou
Zingsini, maangai, duangai mei tisulou

Nthaek zaat makna, nkau ku khit khit kan the
Ram katana khang gai mei tilou khang e
Ganchuang na guaineihla na riu bam the
Niam kan mei zing bang, zu zu mei zingbang e.

Kariu chaeng makge, su makge,
Kalhumni si makge, kahup makge,
Manseina nun rui kahau e,
Kaima khou pat lana thuanna bam e.

Nrim mei muang, nzuh mei muang,
Ηaengnzin mei muang le haengmum mei muang,
Rui kaduap lim kan the,
Nian the mansei zipmei gan tang the.