Dear Ex Yami Part 2 Poem by Phumlani Vimbelasizwe Shiba

Ngivile kutsi ucela lucolo,
Nami ngelutsandvo lwakho ngisetse gozololo
Kuhle ngoba uyakhumbula kutsi wangikhuba,
Ngiwuvile nemlayeto wekutsi ucela ngikuphe litfuba,
Lekucamela kusami sifuba,
Siphindze sente loyamkhuba,
Kantsi ke cha khohlwa sigilimkhuba,
Yami imphilo soze wayitfola
Ngobe nami injabulo sengayitfola
Ngako chubekela phambili
Njengoba ngasho ngatsi ndiza juba bayokuhlutsa phambili
Utiyenga utsi ngekwemcondvo uphambili
Hhayi ke kube wakhumbula nekutsi umvundla tiyawuncandza phambili,
Ngabe kwaba ncono
Emphilweni yami ukhweshile tintfo tiya ngekuba ncono
Angikakhohlwa kutsi ngiyimbongi
Kudlala ngemagama ngiyakutsandza,
Kodvwa soze ngidlale ngeligama lelitsi ngiyakutsandza
Ngoba kubuhlungu kudlalwa ngumuntfu ikakhulu nawumtsandza
Mine soze ngakutsandza
Ngobe wadlala ngami ngikutsandza
Kulolushiki watifaka wena ngoba wawutsandza

To be continued ngivumeleni nginatse emanti. Ningakhohlwa naningibona nibotsi Khwanatela Khwanati ngoba ngitalwa ka Shiba e Dzakasini nalo likheli ngentasi litsi:

©® Travellers: The Singer - Poet (Imbongi Yemswati)