ફેલાવો પ્રેમ નું
ના માગો તો દોડતું આવે
માગો તો રોતું આવે
મરતા ના સમાચાર પહેલા લાવે
સાર સમાચાર ફરતા ફરતા આવે।
જીવન નું કામકાજ છે જ આવું!
ઘણી વખત આવે હસવું
ઘણી વખત આવે રડવું
અને ઘણી વખત તો બસ રહી જાય લડવું।
સગાવહાલા જોડે ચડભડ થઇ જાય
વારવાત માં વાંકુ પડી જાય
એક બીજા જોડે અબોલા થઇ જાય
પણ પાછા એકબીજા થી બોલતા થઇ જાય।
આવો છે ખટમીઠો જીવન નો રાગ
એને ન લાગવો જોઈએ કોઈ રોગ
આપણૅ થોડું સહન કરતા શીખીએ
એક બીજાને પારખીએ અને સમજીએ।
વરસાદ લાવે હેલી
ધરતી ને બનાવે લીલી
આજ તો છે જીવન નો મર્મ
શા માટે આપણે બાંધીએ ખોટા કર્મ?
ફૂલ ની જેમ કરમાવાનું જ છે
બધું જેમ છે તેમજ છોડી જવાનું છે
દેહ તો પંચભૂત માં વિલીન થઇ જશે
કુટુંબ માં ખાલી યાદ પણ ઘર વિહીન થઇ જશે।
કરો સંવાદ પણ જરૂરત પૂરતો
ના સમય ગુમાવો અને શાંતિ થી વ્યતીત કરો
મિલાવો દિલ ના તાર અને ફેલાવો પ્રેમ નું એક મોજું
બસ પછી જુઓ કદી નહિ લાગે ખાલીપો અને ઓછું।
This poem has not been translated into any other language yet.
I would like to translate this poem