Hiyas 2010 Poem by Jordan Legaspi

Ang Usa Ka Kandidato

1. Mahadlokon sa Dios*

2. Adunay pagmahal sa Kinabuhi
Gani ang iyang pamilya ug banay sa kanunay mahiuna
Ug sila nga babag niini, kamatyun ang mahiaguman

3. Adunay Pagpakabana sa Nasud
Gani ang iyang kandidatora inubanan ug panganduy:
Maila ug maka kuwarta; makaambit sa nasudnung kangitngit

4. Adunay Katakus sa Pagdumala
Gani ang iyang mga pamaagi, kosug ug hait nga pulung,
Dayag sa langit and hilak ug kapait sa iyang katawhan

5. Maayung Muaitman sa Pamilya
Gani ang iyang pamaagi ipahimutang sila
Ang mga trapo sa publiko; hari ug riyna sa palasyo

6. Adunay Integredad
Gani ang iyang mga batikus tam-is ug nindut nga paminawon,
Pinaagi sa mga dungog sa uban na kitamakan ug gitabunan

7. Kugihan ug Maalagarun
Gani diri ug ngadtu, siya adunay balay, sakyanan ug nigusyo,
Ug kanila nga mga inila, siya adunay pahiyum ug katawa

8. Masinabtanon ug Matarung
Gani daghan siya’g mga proyekto sulod ug sa gawas sa nasud
Kay ang iyang sikrito, dal-on ang nasudnung damgo alang sa iyang paglambo

9. Dili Hakug
Gani sa katilingban dali ra mahangyo: udong ug tinapa, pugas ug upan pa
Sa mga ultimo irigalo bakwi sa ilang mga boto

10. Motuman sa Saad
Gani sa matag karun ug unya, siya adunay oras sa laing pamilya;
Gain sa padrino ug padrina siya ang panudlanang higala

11. Walay Gidapigan
Gani siya ang hustisya, birdugo sa kabus ug sa mga tawo nga dili iyaha;
Siya ang lagda sa mga multo sa katawhan

12. Adunay Kridibilidad
Gani ang matag buka sa iyang mga ngabil padayag na kasinatian
-hilo sa tanang mga tawo

13. Adunay Klarong Plataporma
Gani ang paglawig sa panahun, siya madaugon kay ang maong platapurma
–ikaw ang magbungkal sa yuta, kamung duha ang mutanum, apan siya ang muani

* Mao mahadlukon siya sa Dios ka ang iyang maong mga hiyas
unod sa iyang mga pulong (pagpanglimbung) ,
bukug sa iyang mga buhat (pagpanikas) ,
dugo sa iyang mga plano (pagpatay)