Jab bhi khushbo sa mere dil ne bikherna chaha
Rang pholon ne lahoo mein mere bharna chaha
Raah mein soch ki deewar uthaadi us ne
Uljhanon se jo kabhi meine guzarna chaha
Meri taqdeer se wo baab-e-asar band mila
Jab duaon ke parindon ne uterna chaha
Chal diya saath hi mere teri yaadon ka hujoom
Raah se zeest ki tanha jo guzarna chaha
Jaal phela diye kya kya mere andeshon ne
Jab bhi lamhaat ki mojon mein uterna chaha
Bheerr panghat pe chali saath mere khwabon ki
Pyasey naina ko wahan jaa ke jo bherna chaha
This poem has not been translated into any other language yet.
I would like to translate this poem