જનતા જનાર્દન છે Janata Poem by Mehta Hasmukh Amathaal

જનતા જનાર્દન છે

મૌન રેલી
માનવ મહેરામણ ની હેલી
આજ છે લોકશાહી નું શાણપણ
વિરોધ ની વચ્ચે પણ ડહાપણ।

દુકાનો ને સળગાવો
પથ્થરમારો કરાવો
પોતાનાજ પગપર કુલ્હાડી
આપણી જ સંપત્તિ પર જડી।

આવું વધારે ચાલવાનું નથી
આપણે જ સમજી ને વધારે આગજની કરવાની નથી
પ્રશ્નો છે સળગતા પણ લાવીશું એનો ઉકેલ
વધારે કરીશું લોકો ને સામેલ।

લાંચીયા ને રુખસદ
અને ન્યાયી ને સભાસદ
આજ હશે હવે એક આશાવાદ
નહિ ચાલવા દઈએ સગાવાદ।

કાળી કમાણી નો ચોખ્ખો હિસાબ
નથી જોઈતો અમારે ખિતાબ
અમને જીવવા દો માનભેર
કેમ ના મળે અમને પૂરતું વળતર।

હવે બહુજ થયું
ખેડૂત નું હૃદય વ્યથિત થયું
જગત ના તાત ને આપઘાત કરવો પડે?
તોતો આપણ ને જ લાંછન લાગે।

આપણે કાયદો હાથમાં લેવો નથી
કોઈ સંપત્તિનું નુકસાન કરવું નથી
બસ હક માટે લડાઈ નો જયઘોષ કરવો છે
'જનતા જનાર્દન છે' એનો આભાસ કરાવવો છે।