Jeeban Juaar (Kosli Poem 106) Poem by Binapani Mahaling

Ei jeebanar juaar na sukhar lahar tume deichha
aau dukhar lahar bi
tume mor jan, tume mor suraj, puni uaansar shakti
aau mor jeeban juaarar paain bi.
Jetebelen sukhen phaati padsi, garbein uchhli jaaisin
Ghichi nesa mor naakar rashi
Jamin ke tuin palei aa maatir munush aau
Denaa jaaki aakashun aa khasi.
Jetebelen dukhar lahadi na guli ghaanti hesin
Haath lamei teki dharsa
Bujh sukhaa patar nuhese tuin jeeban ache tor bhitren
Chetipad man ke kar barkas.
Jebelen muin kaame bhok shosh bhuli laagi padsin
Kahesa kaam saange jeeban bi bad
Jeeban thilen jeebkaa ache jeeban sarigalen gala
Hetir laagi kaam sange jeeban ke bi gadh.
Jetebelen raag ahankaaren jail khuluthinsi
Setebelen perem na bhijeinesa
Maaphi nu bad kichhi naain raag ke bhuli phiri aa pachhke
Puraa jagat tor aai aaink khuli dekh.
Jetebelen muin swadhinataar geet gaasin man khuli
Tume bi tumar shantir pataakaa udaasa
Jetebeln muin mor kartabyar thin maatin jaaisin
Tume munush panar jaagar jaali baat dekhsa.
Mor jeebanar juaarna jeben bhatta aaisi
Tume mate tumar kulen dharsa
Mor laagin tume mor dharti kol jaahaake naapi naain hue
Tume hauchha mor jeebanar ras.