Kanaa (Kosli Poem 159) Poem by Binapani Mahaling

Din raait sabu samaan mor laagin chaari dig puraa andhaar
Haatar padam aaikh aai mor taar binaa muin chhaar.
Sakaal paailaa jaansi muin charer chin chin shabad suni
Dhekinr dhag dhag kukraakar karekan desi jhumraa ke bhaangi.
Pabanar suren kaain jaaduachhe nauchhe eiman ke ghini
Phular kahanren jaansi muin kaain rutu aailaa bali.
Barshaa thin bhiji laagsi jentaa sargun paduchhe phul
Aaikh thilen muin dekhithitin kalaa baadalar dhol.
Majur pare bada sundar dishsi aainkh thilen dekhithitin taar naach
Taar aabaj suni kapsi jaainsi khujsin maar panat.
Naach geet mate badhiaa laagsi kaain Shakti ache eighunguru thin
Kaan baaten muin dekhsi helen bhaabsin dekhlen kentaa laagbaa ankhin.
Man bhari usaten naachsi muin bihi deichhe sundar jeeban
Haat, god, kaan, naag deichhe kaain hemi hinmaan.
Keben bhaabsin kentaa heithibaa rang, aau taaraa jan
Helen kaan, naak haaten jaani naain paaren bhaangi jaaisi man.
Bihi ke muin juhaar karuchhen deichhe ei sundar jeeban
Taar sebaa kari kari jaau palei ei dudiniaa jeeban.