Komaa (Kosli Poem 90) Poem by Binapani Mahaling

Se bhagwaan ke juhaar
Jiae mate mor darad bharaa jeeban nu mukti delaa
Kentaa rakme padi gali je
God, haat, muhun, kaan, aainkh achal heigalaa.
Chaati, mud, bench sabu kaati chaati
Daktar mate pakei delaa sidhaa khat upren
Helen mor nilaj jeeban
Chhapki basichhe mate chhaabaar naan naain dhare.
Bish laaguthilaa jeeban mate
Nal baanten khan pinaa hagaa mutaar laagin
Bhishmar sar sajaa bi kam padi jibaa
Chhaati phaati jaauchhe se kathaa bhaabi.
Aaij muin khusi na naachu chhen
Se dukh darad sabuna paar hei
Nishaas band heigalaana
God haatn pain padi sui padichhen muin.
Helen samku dekhi dukh laaguchhe
Maaijhi, chhuaa, mita maitar chhaati phatei kaanduchhan
Muin mari gali bali bhabuchhan
Mate pudaabaar laagin gaanr lok chaariaaden gherichan.
Kaahaar muhen pain tike naain
Kahuchhan bhal lok te marigalaa bali
Aaij muin samikirar aankhir laha dekhi hansuchhe
Jaani paarli lok kete bhal paauchhan bali.
Aaij mor aakaar dhari nu bad
Aau suraj nu bi ujaalaa samkirara perem paai
Samkirara sange nuaa bandhan baandhi helaa
Entaa bandhan ki puraa phiri heigali muin.