કુદરત્ત નો નિયમ... Kudarat Poem by Mehta Hasmukh Amathaal

કુદરત્ત નો નિયમ
મંગળવાર,5 માર્ચ 2019

"કર્યા હાથ સોના ના અને વિદાય કરી"
મારા મિત્રે સજળ નયને આ વાત વર્ણવી
"કન્યા એટલે પારકું ધન "
રાખવું જ પડે મન ને કઠણ

એક તો મરણપ્રસંગે થાય હૃદયદ્રાવક
બધા બની જાય મૂક અને અવાચક
"કુદરત ની આગળ આપણું કંઈ નહિ ચાલે"
લાચારી વ્યક્ત કરે અને શોક પ્રદર્શિત કરે।

આમ તો કન્યા ને વળાવી માતા ગદગદ થાય
પોતાના માથા નો ભાર હલકો કરી ખુશ થાય
પણ અંતર ની વેદના છુપી ના રહે
વાતો કરતા કરતા આંસુ વહેવા માંડે।

કેટલા કેટલા લાડ થી પાળીપોષી ને મોટી કરી
સામે ચાલી ને એને પરાઈ કરી
હવે તો મેળા, વાર પ્રસંગે જ થવાના
હવેતો દૂર થી નીરખી ને ખુશ રહેવાના।

છોકરીઓ ને ખુબજ લાડકોડ થી ઉછેરો
એની એક એક ઈચ્છઓને પુરી કરો
સુંદર કેળવણી અને સંસ્કારો નું સિંચન કરો
સમય આવે એટલે મન થી મનાવી વિદાય કરો।

આ છે કુદરત નો સફળ નિયમ
એ છે અને રહેવાનો કાયમ
તમે ગમે તેટલા કડક હોવા છતાં થઇ જાઓ નરમ
અંતે છોકરીજ તમારી પાસે આવે અને લગાવે મરહમ।

હસમુખ અમથાલાલ મહેતા
Courtesy: Photo sara wilde