Sika ti sangkalawagan a bituen ti tangatang
Nga mampaparagsak ti kaarrubam a bulan
Sika ti nangted silaw ti nasipnget a lubong ko
Nga nangted naidumduma a bileg ko
Diak maipalawag ti kinaragsak ko
No tunggal makita ka biag ko
Uray inaldaw-aldaw sika makita
Tapno kinaragsak dinto mamingga
Sapay kuma ikkam namnama daytoy numo
Idardarirag kenka innak kinapudno
Sika laeng linaon daytoy puso
Sapay kuma maayat nak met biag ko
Pinirmim a tandaanan ipukpukkaw toy puso
Amin nga nailanad ditoy surat ko
Ket sika laeng awan sabali innak ayaten
Toy masmasnaayan a ritna ket inka andingayin
Adayo ka man ditoy sibay ko
Kanayon sika ti naikursing toy puso
Ngamin sika ti nambiag a bato
Nga mangpunpunas ti kinaladenget ko
Diak maipalawag toy tigtignay
Kayat ko sika ti mangtartarabay
Toy numo mangbirbirok ti gundaway
Tapno sika ti agbalin nga sabong a kaniak manglinglingay
This poem has not been translated into any other language yet.
I would like to translate this poem
Seems a great start with a nice poem, Francis. You may like to read my poem, Love and Lust. Thanks