Malayalam 14 - നവരസങ്ങളിൽ മഴ ൪. രൗദ്രം Poem by Unnikrishnan Sivasankara Menon

പണ്ട് ഒരു രാജാവിന്റെ കഥ* പറയാൻ
ഒരു കാട് മലയിറങ്ങി വന്നു.
ഇന്ന് മല തന്നെ മഴയിറങ്ങി
മടയിറങ്ങി മലയിറങ്ങി വന്ന്
കാടുലഞ്ഞ് നാടുലഞ്ഞ് വീണ്
മാടൊഴുകി വീടൊഴുകിപ്പോയി
ആറൊഴുകി നൂറൊഴുകിപ്പോയി
ആളൊഴുകിപ്പോയി.
കരയൊഴുകിപ്പോയി.
കുടിയഴിഞ്ഞ് മടിയൊഴിഞ്ഞ്
മനമുരുകിപ്പോയി.
അവൾക്ക് തുടിക്കും കാലിൽ
രുദ്രൻ താണ്ഡവമാടി,
അവൾക്ക് ചെമന്ന കൺകോണുകളി-
ലുതിരമൊഴുകിപ്പോയി.

*Macbeth by Shakespeare says 'Macbeth will be safe until Great Birnam Wood comes to Dunsinane Hill.'