Mali (Kosli Poem 141) Poem by Binapani Mahaling

Mali lo mali phutichhu mor ghar duaaren jaai
Dhob phar phar saadhi pindhichhu basant aaichhe bali.
Sakaalu uthlin aainkh khulli tate dekhli ghar duaaren
Kaain mahani lageidelu man rahelaa tor thane.
Tor jaadu na rasaigalin muin helin tor rasiaa
Kete sundar tate bihi baneichhe tor pachhen saaraa duniaa.
Naakar phudu ke khuli delu tuin nuaa nishas delu
Man bhitar mor usaten naachuchhe kaanaa tuin naain kalu.
Dihe saaraa mor tor kahanr aau bhijigalaa man mor
Budhaa man ke bi juaan karidelu sabu thakaan helaa dur.
Man karuchhe lo chumi detin aau sabu belen dekhutitin
Tor paakhen rahi saaraa jeeban man bhari tor ras pinti.
Tor kahanren lo dubi jaaiti maataal peremi hei
Jen ke galen jaaitin lo mali tate chhaati na lagei.