Mate Naain Maar (Kosli Poem 95) Poem by Binapani Mahaling

Naain maar go naain maar mate muin tor jhee go
Tor pet bhitren badhuchhe
Tor phul metaar kulen hansi khelmi
ei sapan muin dekhichhen.
Tate thare maa daaki nelen tor man bharijibaa
ei kathaa jaanichhen
Tor paakhe muin kit kit hei khelmi aau
buaar haath dhari chaalmi bhabuchhen.
Jaanichhen ei samajar jautuk, atyaachaar, ke shichhu
Samkirar maad gaali ke daruchhu
Tui pare sarab sahaa dharti aau go
Mate aanbaar laagin aau tike dhiraj rakh.
Muin asigeln tor akhir laha puchhi nemi
Tor muhen hasi aani nemi
Muin padhi suni kari bad munush hemi go
Tor sange saange eideshar naa rakhmi.
Durgaa metaar khandaa dhari atyaachaar saange ladhmi
Sarashwati metaar gyaan baantimi
Sita metaar man bhari kari samku bhal paaimi
Samkirar mane muin ashaar deep jalaami.
Tor laagi muin aakaash ke bi dharti na anidemi
Samudar ke bi tor paad talen rakhi nemi
Mate aaij naain maar go naain maar jamaa
Muin tor sabu hajlaa sapan ke puraa karmi.