Mujhay Itna Na Chaho Tum (Urdu) Poem by Jahan Zeb

Suno! Sunbhal lo khud ko
Mujhay itna na chaho tum
Teri main chah hun sach hay
Yeh mana main dharakta hun
Tumhare dil ki dharkan main
Magr ay hamnawa mere
Suno! Acha nahi lagta
Keh tum mujh bin na reh pao
Tumhari zindagi ko to
Buhut agay nekalna hay
Mujhay sunbhal to logi magr khud bhi sanbhalna hay
Suno tum jaan ho meri magr ay jaan se pyari
Mere kuch aur reshtey hein
Wo mujh ko jaan se pyare har ek arman se pyare
Hun jin reshto se wabasta
Who bas reshtey nahi janan
Samajh lo farz hay mera
Jo on reshto se hay mujhko, , muhabbat marz hay mera
Tumhe bhi elm hay is ka
Tumhe maloom hay sab kuch
Mera arman hay jana
Ummmeed tum se mujhay yeh hay
Mujhay na bewafa kehna, kabhi na bud'dua dena
Suno! Sunbhal lo khud ko
Mujhay itna na chaho tum.