My Boss Fired Me (Meri Nokri Ki Chutiimere Boss Ne Kar Di Hai) , A Poem In Hindi/Urdu Poem by Ravi Kopra

Meri nokri ki cHutii
mere boss ne kar di hai
us par mera vishwash tha
mera khyaal rakhay ga

Meri beewi raat ko ghar main
baDi dair se aati hai
log ishaara maartay hain
kisi yaar k saath soti hai
us par mera vishwash tha
zindgi bhar saath rahe ga

Bachay ab meri
koi baat nahin suntay
jo maaN kehti hai kartay hain
mera un pe vishwash tha
bad-tameez kabhi vo na hon paaeN gay

Dil toot gaya hai
ab mera is duniya se
kya maut jeenay se acHi hai
ye baar baar sochta hoon.