Naed Badhi (Kosli Poem 146) Poem by Binapani Mahaling

Aailaa paain uchhulilaa naed uhuliglaa ghar duaar
Budigalaa sabu jamibaadi dubi gala rod rastaa gaanr.
Dhukuchhe dhukaa bhaanguchhe gachh pat pat hei talen
Sabu daahi patar uhuli jaauchhe buhilaa paanir balen.
Naed naliaa paain mishi guli sabu heigalaa guliaa
Munush, gaai daamur samaan laaguchhan disuchan sabe maatiaa.
Peibaar laagin paain naain khaaebaar ke khaanaa naai
Bhuke pat pat maruchhan lok hauchhe sabu aaden daaeiria.
Helen jibaarke gaadi naain teren bi padichhe band
Pindhbaar ke kapdaa naain basbaar ke jaagaa khanj.
Kukraa chimraa gaai balad uhuligalena paani
Nijar jeeban ta dhar sambhaal parhar laagin samiaa kaahin.
Sabu aaden ho halaa kaanduchhe maaijhir chhuaa
Jham jham barshaa hauchhe band hebaar naaib naa.
Sarkaari churaa padlaa aakaashun kaahaar pet ke naain
Pet jaluchhe hau hau hei churaar shakti baa kaahin.
Kiae heigalaa anaath kaahaar kol heiglaa suin
Kiae marigalaa janaa ni padlaa kaahaar bhaaig hinmaan.
Gharar bujhaa buhinipaari chaasi helaa uchki ulei
Gaan chhaadi lok palei gale phirlee aau kihe naain.