Nyay Poem by Shambhu Dan Mehru

Har parde ke baad
ek aur
parda hai
parde me nyay bandha hai
na
tote ki gardan me hai
na usaki taang me hai
asal me
nyay hota hi nahein hai
agar hota
to jarur
mil gaya hota
Sukaraat-Marx-Gandhi ko
ek
bharam bhara bhatkaaw hai
jise jo raas aagaya
wohi nyay ho gaya
choukadi bhare bhaash aur
nyay ojhal
shraab piye baap se
beta darta hai
kya ye nyay hai?
har kamaau
stri ko Raand kahta hai
kya ye nyay hai?
satya se jo nyay tak pahunche
usse faansi aur zahar milata hai
kya ye nyay hai?
dhaan jo paida kare krishak
wahi bhookha rahata hai
kya ye nyay hai?
jale nahein ussee ghar chulha
khatare me jo khaan me koyala khode
kya ye nyay hai?
o hathoudewale!
nyay to kisi
badi chattan ke neeche dab gaya hai.
20 March 1973*