Nakatulala sa kisame
Katinuan di mahagilap
Tila mundo ay naunsiyame
Na para bang nawala ng iglap
Di nagugutom
Pagkain ayaw pumasok sa tyang malamig
Sa lalamunang tila ba naghilom
Ayaw lumunok ng kahit tubig
Nagkukulong sa kapirasong silid
Kahit hangin walang mahagip
Kahit ilaw wala sa gilid
Ng kwartong tila ba kay sikip
Kahit gustuhing magsalita
Hindi magawa
Kahit isang letra ay nawawala
Para bang paralisado ang buong mukha
Totoong mundo di maintindihan
Ang iyong pinagdadaanan
Subalit kahit ikaw
Ay di alam kung ano ang dahilan
Sabi ng iba iligo mo lang
Baka magbago ang nararamdaman
O kaya ay makihalubilo sa mga kaibigan
Kay daling sabihin mahirap panindigan
Isang araw biglang nasambit ang pangalan
Ama, ako po ay inyong tulungan
Na makawala sa malahalimaw na kalagayan
Patnubayan ako sa lahat ng paraan.
Copyright © Grace Svensson
December 11,2018
This poem has not been translated into any other language yet.
I would like to translate this poem