Pahelaa Milan (Kosli Poem 158) Poem by Binapani Mahaling

Aaij mor suhaag raait rajanigandhaa kahanren
Ghar saaraa maha maha basuchhe
Punidinar juaar lekhen chhati dhad dhar aau
Man majur naachuchhe.
Petbhitren kaap kaapi phad phad uduchhe
Aau unnhi bhitren muin
Laal gal gal shaadhi pindhi haldi makhaa dihen
Taakichhen manar-raja aaiba bali.
Jetebelen se aailaa kuthaa ke dhiren paaden
Laajen gali sarpati
Unnhin uthei dekhideklaa jenta aainkh muji helaa
Tanti gala mor sukhi.
Chume delaa jentaa mor chikni kapale
Jhatkaa kheli gala dihen
Mudun god tak thar tharei uthlaa
Man hajigalaa peremar suren.
Kuaanri manke kede jatane sajeithilin muin
Janmu aaijtak
Sabu dhaali delin gute chumaa thin
Shun jeebanar shaathi mor.
Raait badhbaar saange mishigalun aame
Saagarar lahadi metaar
Man bhijigalaa dihe mishigalaaa
Jallaa peremar jaagar.
Duitaa achinhaa jeeban mishi gute heigalaa
Gute rashi duitaa sutaaa baagir
Jeeban bhaerr laagin gainth padigalaa
Pahelaa milanar laagin.