Sara Teasdale 20 - ഒരു ഭ്രമം Poem by Unnikrishnan Sivasankara Menon

This is a translation of the poem 'A Fantasy ' by Sara Teasdale

ഒരു ഭ്രമം

അവളുടെ ശബ്ദം
ശാന്തി തനിയെ വിളയാടുന്ന
ദൂരത്തുള്ള നിശ്ശബ്ദവനങ്ങളിലെങ്ങോ
കല്ലിൽ തെളിവെള്ളമിറ്റിറ്റു വീഴും പോൽ മധുരം.

അവളുടെ ചിന്തകൾ
ശാന്തി തനിച്ചിരുന്ന് സ്വപ്നം കാണുന്ന
ക്ഷേത്രകമാനങ്ങൾക്കു കീഴെ പവിത്രമാ-
മരുവികളിൽ പൂത്തുനില്ക്കും താമര പോലെ.

അവളുടെ ചുംബനങ്ങൾ
ശാന്തി ഉറക്കമാകുന്ന പേർസ്യൻ പുന്തോട്ടത്തിൽ
സന്ധ്യക്കാഴം വളരുമ്പോൾ
തിളങ്ങും പനിനീർ പുഷ്പങ്ങൾ പോൽ.