Shaam.... Poem by abhilasha bhatt

Shaam….
Jb aati hai sath Apne pure din ki thakaan lati hai
Sath main Kuch pal ka aaram laati hai
Kuch sukoon lati hai
Kuch sunapan lati hai
Hath main apne dhalta suraj dikha jati hai
Kuch thehra hua
Kuch shant sa
Kuch sochta hua
Kuch kehta hua
Kahin chup chap nazar tikaye dekhta hua
Sare panchi apne ghoslon ki tarf jate hue dikhte
Kuch unmain se abhi tk udna seekhte
Neela aasman ab Kuch gulabi kuch laal sa nazar aata hai
Aasman main ab dhudhla hi Kuch sahi dhruv tara nazar aata hai
Shaam main kudrat ka ek alag hi manzar nazar aata hai
Har shaam mujhe mera Koi apna yaad aata hai