સુખે થી જીવાડજો... Sukhe Poem by Mehta Hasmukh Amathaal

સુખે થી જીવાડજો
રવિવાર,16 સપ્ટેમ્બર 2018

પ્રભુ માફ મને કરજો
મારી અરજ ને કાને ધરજો
કર જોડી ને શીશ નમાવું
તમારું ભજન કરું અને દિલ થી ગાવું।

મારા અવગુણો ને ભુલનારા
મારા દોષો ને છાવરનારા
છેલ્લો આશરો છે તમારો
મારો સુધરી જશે જન્મારો।

આતમ નુ કરજો કલ્યાણ
અને વરતાજો તમારી આણ
મારે નથી ખપતું કોઈ સન્માન
પણ જો જો ના થઇ જાય અપમાન।

જે જતા રહયા દિવસો
હવે શું કરવો એનો વસવસો!
બસ મને આપજો એકજ દિલાસો
પ્રભુ મન માં મારા, કરજો વાસો।

બાકી જે કઈ બચ્યુ,
એને સુધારજો
ભવોભવ ની ભુખ ને મટાડજો
હવે નથી કોઈ ઈચ્છા, સુખે થી જીવાડજો।

હસમુખ અમથાલાલ મહેતા