Thakaan Poem by Rishi Thakkar

Bachpan mein jab hote hai bacche to nahi jaante kya hoti thakaan?
Girte padte khelte kudde, padhte likhte kahan khatam ho jata suryauday se hota din jawaan.
Dosto sang khatti meethi baatein, teachero ko copy karne ke masti waale iraade,
Junk food ki chalate aadhi dukaan,
Nahi jaante thhe ke aane waali zindagi sang laayegi ye anjaani THAKAAN.

Fir jyon jyon bachpan dhalta jaata, padhai aur marks ka pressure humare sarr par MANDRAATA,
Competitive exams ki tayyarion mein aa jaate aankho mein kaale ghaddo ke nishaan,
hai re fir introduction ho jaata humko isse jisko log kehte THAKAAN,
Fir yun girlfriend/boyfriends ka daur aata,
Ek dooje ke sang ladki aur ladka samay bitata,
Apne bhaari barkam schedule se isko priority par baithata,
Par fir bhi break up aur jhagdo ke maakad jaal mein phuss hi jaata Insaan,
Fir level aur badhati uske jeevan mein THAKAAN..
Jobs naukari ka interviews mein jaata, Best of the best mein select ho jaata,
Mithaiya aur pede khata, aur social networking mein baatta ye farmaan,
Feeling happy/excited ke post soon hi tired, exhausted, monday blues mein convert ho jaate sahebaan,
Kyunki Peecha ab saaye sang karti hai THAKAAN.
Aur phir jab life set ho jaati, pariwar ko jamai milta ya beti sasural hai aati.
Samay dene ki relationship mein Priority ho jaati,
Nayi zimmedariyon, umeedon ka zindagi deti pehchaan..
Fir ek zamane ka hero aur heroine mein jab aa jata parivartan
Wo kehte ek dooje se hai re tu kitna badal gaya Insaan,
Maa baap ki zimmedariyon se parichay hota,
Apna kuch na apna hota,
Shareer bedol, samay saara bacho ki ore, Kapde kharche sabhi ko karte karte jalne lagte praan,
Fir din dhalte chai peeke ek hi line mein baste praan
Hai re kitni hui aaj THAKKAN..
Kyun na iss THAKAAN jo jawab hum de,
Kuch samay sabhi jagah baatein, kuch chunauti isse le,
Kitna isko humse door hum rakhhenge yehi samaj mein banayega humari pehchaan,
Are tu hogi kahin ki thakaan, par mere saath hai mera dridh vishvaas
Meri har saans mein dridh sankalp aur mere jivan ko safal banane waale mere KRISHNA BHAGWAAN :)