Tu Jo Hansta Hai.. Poem by abhilasha bhatt

Tu jo hansta hai
To main ek umra jee leti hoon
Tu jo khilkhilata hai
To main ek zindagi jee leti hoon
Tu jo rota hai
To main ro deti hoon
Tu jo sisakta hai
To main sisakti hoon
Teri masoom hansi
Mujhe jeene ki wajh deti hai
Teri aankhe
Mujhe sangarsh krne ki aur taab deti hai
Teri dhoodh si ujli muskaan
Mujhe aur jeene ki chah deti hai
Teri khushi ki kaamna krti hoon
Tere gham mujhe miljayen ye duaa krti hoon
Tu jaan hai meri
Tujhmain main rehti hoon
Tu ansh hai mera
Tujhmain main khudko dekhti hoon
Teri aankhon se
Main sara sansaar dekhti hoon
Tere nanhe hathon main
Apne hathon ko mehsoos krti hoon
Tujhe nazar na lage
Islie tere gaal par kaala teeka lagati hoon
Tere "maa" pukarne par
Khudko sabse khushkismat mehsoos krti hoon
Tere sath chalne par
Main zindagi ka ek kadam aur chlti hoon
Tere sath khelne par
Main apna bachpan phir jee leti hoon
Tu jaan hai meri
Tujhmain apni jaan rakhti hoon
Tu zindagi hai meri
Tujhmain apni rooh dekhti hoon.. :)