X* Ang Tawag Sa Nabul’ Poem by Jordan Legaspi

Ang tawag sa Nabul'


Ang adlaw hataas na niadtung taknaa
ang kalangitan daw hayag sama sa malalang mata
ug ang hangin ingon daw ginhawa sa gikapuy na mananap
didto sa kamingawan sa kabukiran

Sa pag-iturok na sa hari sa kalangitan
usa ka tawo kaliwat sa mga manglalangyaw
diin iyang mga lakang mihagorus
ug nagdalandalan sa mga pang-pang
arun sa pagtubag sa talagsa-ung tawag

Hangtud sa pikas bungtud ang maung hari mupahuway
apan ang mga tunob sa binuhat daw hilak-
kalipay sa mga yuta na iyang giagian
ug sa mga anak sa kinaiyahan nga balaan iya sa Amahan

Kay ang takna mao ang pagtubag
aa mahagitung adlaw
ug sa mga panganduy imposibling makab-ot
sa kanila na hinikawan apan bulahan
kay adlaw’g gabii gipanalanginan man


Note:
Little Bague, Malita, Davao del Sur, Phil. March 2005

Nabul’ is a mountainous place, part of Little Bague, Malita, Davao del Sur, Philippines.