सिमां नुदोँ आं, सिमां (अम'रनि आगान आगान) - Poem by Ronjoy Brahma

मिलौनाय खुरैनि बिदैखौ लोँनानै
दो उन्दुलांदोँ आं,
अनजालिखौ सानै सानै।
सानफानि हाजिरा (मजुरा) खौ बोखांना
खावसेनि बेसेनजोँ बिदैखौ लोँना
देरहानाय मोन्दोँ आं, नै-
अनजालि सना बैसागुआ फैथोँ-
सानैजोँ मोसागोन
सानैजोँ रंजागोन
बोथोरा फैथोँ बोथोरा फैथोँ।
सम जाब्ला सानैजोँ
हिमालय थिखिनियाव देरा लुहैगोन,
सना अखाफोरनिफ्राय सिबिँ गरसेखौ-
आदि लाबोना आबाद मावगोन।
रजे, फै सना फै
नैबे दैसा सेराव सावरायनि
मिनि खुसि सानैजोँ थब्ल'नि,
गोखा गैया सना
नैबे मोजां मोनलायनायनायाव
गाबनाय दुखु गैया सना
नैबे सानैजोँ संसाराव।
मिनि खुसि संसार जागोन सना
जोमै अख्रां मुलुग गिदिँना,
थांना थागोन सानैजोँ
दैज्लां-मेसेँनि आबाद मावनायजोँ।
फै, फैदोल' नोङो सना
जिउ जिउ नोँनि होनना,
आंखौबो नोङो आंनि जिउ
बिरलांगोन सना सानैजोँ-
फैसालि मोनहैजासिम रिउ रिउ।