Ronjoy Brahma

Gold Star - 35,663 Points (2 November 1995- / Amteka (Chirang) /Assam, India)

बड'लेण्डनि गलायाव - Poem by Ronjoy Brahma

खान्थाल फिथाइ लिसु फिथाइ
नारेँ जुमब्रा लरख' फिथाइ
फै फै सनाफोर जानो फै,
थालिर गोमोन मोदोमफ्रु गोमोन
थाइसुरि गोमोन जल'फि गोमोन
फै फै जानो फै,
था रुनाय मोनगोन
दुमबा रुनाय मोनगोन
कमला सुमफ्राम फिथाइ गोमोन
फै फै सनाफोर जानो फै,
फै बाबुफोर फै गेदेरफोर-
सिंगि बामि खुसिया
बाला बोथिया खान्दा गोरिया
थेँगोना फिथिख्रि मोनगोन ना
साम' खांख्राय एम्बु मोनगोन बायना
सेसा नेवलाइ अमा बेदर बायना,
फै फै आयफोर आफाफोर-
लाफा मुला बुथुवा खुदुना
मान्दे इलांसि सिब्रु सिबुं
गोफा गोखा गोखै मेगंफोर
मोनगोन दै बोरिनि मेगं बायना,
फै फै आगैमोन सनामोन-
फिथा सिथाव जानो फै
एन्थाब सौराय जानो फै,
फै फै गेदेमाफोर-
नाज्रि अनला सबाय खारै
दाउजोँ मेवाइजोँ सुरुबनि फै,
फै फै आयफोर आफाफोर-
एम्फौ फिथोब रुजुन्ना फानफै
गामसा दखना दाना फानफै,
फै सनाफोर आगैमोन-
देलाय देलाय दखना गानना
जारौ जारौ साद्रि जोमना
मिनिसुलु मिनिसुलु फै,
फै फै बयबो फै-
मेँ खादा रुजुन्ना फै
मना जलंगा लाना फै
फिथाइ-सामथाइ फिथा सौराय जानो फै
देलायलाय गानै जोमै फै
सुखुनि दुखुनि बाथ्रा सावरायनि फै
जाथि खुरमा लोगो हमनो फै।

Topic(s) of this poem: market


Comments about बड'लेण्डनि गलायाव by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Friday, September 18, 2015

Poem Edited: Friday, September 18, 2015


[Report Error]