Ronjoy Brahma

Gold Star - 35,141 Points (2 November 1995- / Amteka (Chirang) /Assam, India)

आं आबौखौ गोसोखांनो हालिया - Poem by Ronjoy Brahma

आं आबौखौनो नुवाखै
अदेबानि आंनो आयनि जोबथानाय फिसा,
आफाया दिनैसो बोरायनो लागायाव
सम सम खिन्थायो आंनो-
आबौआलायनो जगसे जौखौ
हां खनसेनो ग्रद ग्रद गोदाव गारोमोन।
खेबसेखालि खिन्थादोँमोन बियो-
आबौआलायनो मैदेरखौ गियाल'ना
दोँ दोँनो होसोगारोमोन।
आयआबो सम सम खिन्थायो-
आबौनि दारियालायनो जाबबुं
हमामा रबि ठाकुरनिफ्राय
गोगोम लावसिन गारमोनलायनो।
आबौआबो गोबांनि गेजेराव सासेमोन
हादान सिफायनायाव सानथ्रि गाहायथारमोननो,
1972 मायथाइनि उनाव आमटेकानि मुं गोनां।
आबौनि सल'खौ आं खोनायो
नाथाय आबौखौनो आं सिनाया,
आफाया जोबोद दुखु खालामोलै
सिबाया बेसारा!
आबौनि सावगारिखौ सैना दोनरोङैआव,
आखिनोबो रोँथ्रा बियो सिबाय! !
आफाया एखमबा बुङो-
आबौआलायनो गावखौ गोदो उन्दैयाव
दाउ आथिँ जाहोबाय थागारोमोनलायनो? ?
आफाखौ बियो मोजाङैनो
लावखारनि उनाव दाहोना थानोसो
मोजाङैनो मोजां फोरोँगारदोँमोनलायनो! !

Topic(s) of this poem: father


Comments about आं आबौखौ गोसोखांनो हालिया by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Saturday, September 19, 2015



[Report Error]