थरफा थरफा अन्थाइजोँ Poem by Ronjoy Brahma

गाबगु-मिनिसुलु हायाव ज'सोनाय
थरफा थरफा अन्थाइफोरखौ
जोँ खनखांनोनो हायाखै,
अख्रांनि गोजोँ हाथर्खिखौ
आखाय आजाव आजाव नेना थानाया
सिमांआव नुनाय गोरलै बाथ्रायानो नङा।
खोमसियावल' बिसोरजोँ हाबा जायो
नाथाय-
दैबोरि लैथोनि थरफा थरफा अन्थाइजोँ
सान-हर हाबाया जायो।
थरसे अन्थाइआ जेसेबां गिलिर
नोँ बेखौ मिथिगौ,
नाथाय हाथर्खिया? ?
नोँ सिमांआव माब्लाबा मिथिबाय? ?
नै मावथि सुबुंफोर-
हाथर्खिखौ लामा दानाय
बारि गरखायफोराव थानाय
दै दैसाफोराव गोजोमनाय
थरफा थरफा अन्थाइखौनो बुथुम।