बंब्लं इन्जिनियारनि मोनसे टेनसन Poem by Ronjoy Brahma

खाफालानो दाउखा खिला
जानायसो ना दाउब'सो
खिला जानाय बिजिरस'नो हालिया आं।
बाथ्राया जाबाय आंनि
बैसोआ थांबाय आरो थांबाय
जुलिनि समा ओरैनो बिरलांबाय।
गोसो थोनायफ्राबो दिनैसिम
साथामसो कन्ट्राकदार,
सोरबा सि आर पिनि हाउस वाइप् जागुलायबाय।
फिसाफ्रा ABCD खौ बारग'ना
फ्लास माइनास फरायनो हालायनाय जाबाय।
'महराबो मोजां जानांगौ
आखलाबो मोजां जानांगौ'
बेफोर रावआ आयनि।
A for Apple निफ्राय
Z for Zero ना Zoo
आरो दाजाबनिफ्राय दानख',
रान्नायनिफ्राय सानजाबसिम रोँबानो
गासैखौबो गोरोँ रोँखा राखा नङा
अनसुलि आयनि बादिब्ला।
आयनि खुगानिफ्राय बेखौनो
खोनाबाय थाबोदोँ आं।
नाथाय जुगादि माब्रै जाखो? ?
नेकटाइ सिमफुल खद गान्ना
मारुटि सुजुखि लाना नागिरब्लाबो
आयनिबादि आय फसायनाय
आयनि बिहामजो नागिरना मोनाखिसै आं।