गोसोआव खोन्दोसे खन्थाइ Poem by Ronjoy Brahma

पुष मागो फागुण थांबाय
आसिन दाना थाबावबाय
सैथो बैसागु थांबाय
कातिक दाना थाबावबाय
सावोन थांबाय भादोर थाथ'बाय।
अनजालि सना गोसो खाङो बैसागुखौ
बैसागुनि सानैजोँ रादाय होलायनायखौ।
गोसोआव खोन्दोसे खन्थाइ-
आगोन फै आगोन फै
आगोन आगोन फै
मायब्रा मायरं बुथुमनो
मागोआव फिथा-सिथाव जानो
मायहुं लुन्दा-लुन्दि हुंनो
संक्रान्ति सानआव सावनो,
मागो फै मागो फै
मागो मागो फै
रंजालि फुर्णिमा फोथाराव
बेलागुर सावना
लावखार गथ'फोरजोँ मोसाफानो।
खाम-सिफुं-जथा
खावां-जाबख्रिँ-थर्खा
थोर्सि-लथा-खुरैजोँ
गोसो होना आबै-आबौनो रंजानो।
नङाबा बाङाइ गामिनि
खुगा गुवार उदै गेदेर
माइक आहुजा बक्स आहुजा दामना
आदा-बाजैमोनजोँ बाज्ल' बाज्ल' रंजानो।